Chashmai Ayub maqbarasi - Buxoro markazidagi ibodat inshooti bo‘lib, maqbara va muqaddas buloqni o‘z ichiga oladi. Hozirda unda Suv muzeyi joylashgan. Maqbara XII asrda Qoraxoniy hukmdorlarining buyrug‘i bilan qurilgan. U XIV-XIX asrlar davomida bir necha bor qayta qurilgan. Temur davrida maqbara batamom qurib bitkazildi. Inshoot Sharq-G‘arb o‘qida joylashgan to‘rtta xonadan iborat bo‘lib, har bir xona gumbaz bilan qoplangan.