Samarqand markaziy bozori hozirda Siyob bozori deb atalib, butun O‘rta Osiyoda eng qadimiy va eng katta bozor hisoblanadi. U haqidagi ma’lumotlar VIII - IX asrlardan beri tilga olinadi. Aynan shu yerda hunarmandchilik ustaxonalari va karvonsaroylar joylashgan. Mo‘g‘ullar istilosidan keyin bozor shaharni qayta tiklashning o‘zagiga aylanadi. Bu yerda savdo-sotiq, bazmlar uyushtirilardi. Turli mamlakatlardan savdogarlar kelishardi.
XV asrda Bobur o‘zining "Boburnoma" kitobida Samarqandda har bir narsaning o‘z bozori borligi, ya’ni har bir hunarmandchilik mahsuloti uchun maxsus savdo rastalari bo‘lganligini yozgan. Bozordan boshlangan zamonaviy Toshkent ko‘chasi esa asosiy savdo arteriyasi bo‘lgan.