Oʻzbekiston Davlat amaliy sanʼat muzeyi 1937 yilda vaqtinchalik hunarmandchilik koʻrgazmasi negizida tashkil etilgan. Muzeyning koʻrgazma fondlarida Oʻzbekiston bezak sanʼati tarixini ochib beruvchi 4000 dan ortiq eksponatlar: yogʻoch oʻymakorligi, kulolchilik, naqshinkorlik, zargarlik sanʼati, zardoʻzlik, kashtachilik sanʼati, mahalliy sanoatning ommaviy ishlab chiqarish namunalari mavjud.